Шедеврум қолданушылары нейрожелі арқылы қалауын мәтін етіп жазып, суреттерді өзгерте алады.
Шедеврумда жаңа шығармашылық режимі пайда болды: қолданушылар YandexART нейрожелісінің көмегімен мәтіндік сұраныс бойынша суреттерді өзгерте алады. Осылай, олар қиялына ерік беріп, фотоларды өзі қалағандай өңдей алады: түсін немесе фонын өзгертеді, белгілі бір стильде қайта сала алады және тағы басқа. Соңында нәтижесі ұнаса, «фильтрумды» сақтауға және бөлісуге болады.
Мұны жасау үшін «Фильтрумдар» бөлімінен қол режимін таңдау керек. Содан кейін қолданушы селфи-сурет, пейзаж, үй жануарының суреті, Шедеврумдағы сурет деген сияқты кез келген суретті немесе фотоны жүктейді, сосын нені қалай өзгерткісі келетінін сипаттап жазады. Мысалы: «Импрессионизм стилі, жылы жұмсақ жарық, кең жағындылар, қызыл түссіз». Қолданушы қосымша баптаулар арқылы суреттің қаншалық өзгергенін бақылай алады. Технология түпнұсқа суреттің ерекшелігін сақтауға да мүмкіндік береді.