Елордада 2027 жылға дейін 15 денсаулық сақтау нысанын ашу жоспарланып отыр. Қаланың денсаулық сақтау басқармасының басшысы Әлия Рүстемова елорда медицинасының инфрақұрылымдық дамуы туралы айтты.
Бұл туралы Астана әкімдігінің ресми сайты хабарлады.
Жоспарланған ірі нысандардың ішінде екі перинаталдық орталық, екі жаңа заманауи көпсалалы аурухана, оның бірі балалар ауруханасы, екі мемлекеттік және үш жеке емхана бар.
Жыл сайын елорда тұрғындарының саны 60-70 мың адамға көбейеді, бұл туу көрсеткішінің артуынан және басқа аймақтардан көші-қон есебінен. Әрине, қолда бар денсаулық сақтау инфрақұрылымы жеткіліксіз. Мысалы, қаладағы соңғы мемлекеттік нысан 2015 жылы іске қосылды. Одан бері тоғыз жыл өтті, ал жаңа мемлекеттік нысандар жоқ. Сондықтан бізге алдағы жылдары жаңа денсаулық сақтау нысандарын пайдалануға беру міндеті жүктелді. Жаңа нысандарды салу және ашу бойынша бекітілген жобалар бар, — дейді денсаулық сақтау басқармасының басшысы.
Алдағы жылдарға екі мемлекеттік емхана салу және жеке инвестициялар аясында үш жаңа емхана ашу жоспарланып отыр.
Биыл №1 көпсалалы қалалық балалар ауруханасы мен ұлттық шұғыл медицинаны үйлестіру орталығының базаларында екі балалар травматологиялық пунктін ашу жоспарланып отыр. Бұдан әрі №2 қалалық көпбейінді аурухана базасында (Акушерлік және клиникалық блоктар арасында салынып жатқан қабылдау-диагностикалық кешенде) жарақат пунктін ашу мәселесі қаралып жатыр, — деп бөлісті Әлия Рүстемова.
