Қасым-Жомарт Тоқаевтың 22 ақпандағы жарлығымен ел өңірлерінде сот төрағалары мен судьялар қызметінен босатылды.
Құжат «Әділет» нормативтік құқықтық актілерінің ақпараттық-құқықтық жүйесі порталында жарияланды
Мемлекет басшысының жарлығы бойынша, 23 судья қызметінен босатылған. Соның ішінде:
- тоғыз судья – отставкаға кетуіне байланысты;
- алты судья – өкілеттік мерзімінің аяқталуына байланысты;
екі судья – қайтыс болуына байланысты; - екі судья — тәртіптік теріс қылық жасағаны үшін судьяны қызметтен босату қажет екені туралы сот жюриінің шешімі бойынша;
- бір судья – өз өтініші бойынша;
- бір судья – басқа жұмысқа ауысуына байланысты;
- бір судья — зейнеткерлік жасқа толуына байланысты;
- бір судья — судьяның кәсіби жарамсыздығына байланысты атқаратын лауазымына сәйкес келмеуі туралы сот төрелігінің сапасы жөніндегі комиссия шешімі бойынша.
Әр өңірде 92 адам судьялық қызметке орналасты.
Жарлық қол қойылған күнінен бастап қолданысқа енгізіледі.
