Алматы облысының полицейлері халықаралық іздеуде жүрген 40 жастағы ер адамды қолға түсірді. Бұл туралы облыстық полиция департаментінің бастығы Бауыржан Әленов Facebook-парақшасында жазды.
Оның айтуынша, 22 ақпанда Алматы облысы полиция департаментінің ұйымдасқан қылмысқа қарсы күрес басқармасының қызметкерлері жедел іздестіру шарасы барысында халықаралық іздеуде жүрген 40 жастағы қылмыскерді ұстады.
Айта кетейік, Жамбыл облысының полицейлері ұсталған адамға қатысты қылмыстық құқық бұзушылық белгілері бойынша іс жүргізуді бастаған. Ұсталған ер адамның бірнеше ай бойы Алматы қаласының аумағында құқық қорғау органдарынан жасырынғаны анықталды, — делінген Бауыржан Әленов.
Қазір ол Қарасай аудандық полиция басқармасының уақытша ұстау изоляторына қамауға алынды.
Тергеу мүддесі үшін өзге ақпарат жария етілмейді.