Бүгін еліміздің 4 қаласында жайсыз метеожағдай қалыптасып, ауа ластанады.т Бұл туралы «Қазгидромет» хабарлады.
«2024 жылғы 11 ақпанда Ақтөбе, Астана, Ақтау, Алматы қалаларында ауаның ластануының қолайсыз метеорологиялық жағдайлары қалыптасуы мүмкін»,- делінген хабарламада.
Қолайсыз метеорологиялық жағдай — атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиыны.
ҚМЖ жағдайында елді мекендердегі атмосфералық ауаның сапасы нашарлауы ықтимал.
