Алматыда лағманхана өртенді. Бұл туралы қалалық төтенше жағдайлар департаменті хабарлады.
ТЖД сағат 08.58-де Розыбакиев, 13 мекенжайы бойынша күштер мен құралдар жіберілгенін хабарлады.
Келгеннен кейін кафе шатыры жанып жатқаны анықталды. Көрші ғимараттарға таралу қаупі туындады, көрші үйден бес адам қауіпсіз қашықтыққа эвакуацияланды. Адамдардың бар-жоғын тексеру үшін барлау жүргізілді, таңертеңнен бері кафеге келушілер болмаған. Өрт саптамалары дереу жеткізілді. Өртеніп жатқан дәмханадан жеті газ баллоны шығарлыды. Автоцистернаның өрт сөндіру шүмектері дереу өрт сөндіру гидранттарына орнатылып, судың үздіксіз берілуі қамтамасыз етілді, — делінген хабарламада.
Өрт 18 минутта оқшауланған. Таралу қаупі жойылды. Өртті сөндіруге 30 адам мен 18 техника жұмылдырылды. Жалпы 150 шаршы метр аумақты шарпыған өрт 09.43-те сөндірілді.
