Астанада ауа райының қолайсыздығына байланысты екінші ауысымда оқитын бастауыш класс оқушылары мектепке бармайды. Бұл туралы қала әкімдігі хабарлады.
Ауа райының нашарлауына байланысты 8 қаңтар күні екінші ауысымдағы 0-4-класс оқушылары қашықтан оқыту форматына көшірілді, — делінген хабарламада.
Қала көшелерінде таңнан бері 1 700-ден астам арнайы техника мен 2 500-ге тарта жұмысшы жұмыс істеп жүр.
Синоптиктердің мәліметінше, 8 қаңтар Астанада қатты қар жауады, бұрқасындатады. Оңтүстік-батыстан жылдамдығы 9-14 м/с жел соғады, екпіні 15-20 м/с дейін барады. Ауа температурасы түнде және күндіз 0-2 градус суық.
