Қасым-Жомарт Тоқаев «2024-2026 жылдарға арналған республикалық бюджет туралы» заңға қол қойды. Бұл туралы Ақорда хабарлады.
Заң бойынша 2024 жылғы 1 қаңтардан бастап:
- ең төменгі жалақы (ЕТЖ) – 85 000 теңге;
- айлық есептік көрсеткіш (АЕК) – 3 692 теңге;
- мемлекеттік базалық зейнетақы төлемінің ең төменгі мөлшері – 28 215 теңге;
- зейнетақының ең төменгі мөлшері – 57 853 теңге;
- базалық әлеуметтік төлемдердің мөлшерін есептеуге арналған ең төменгі күнкөріс минимумы 43 407 теңге болып бекітілді.
Жасы бойынша зейнетақы төлемдеріне және еңбек еткен жылдары үшін зейнетақы төлемдеріне бөлінген қаражат осы аталған сомалардың 2024 жылғы 1 қаңтардан бастап 9%-ке ұлғаюын ескере отырып қарастырылған.
Сонымен қатар мемлекет басшысы «Қазақстан Республикасының ұлттық қорынан 2024-2026 жылдарға арналған кепілдендірілген трансферт туралы» заңға қол қойды.
Бұған дейін заң жобасы қоғамдық талқылауда болды.
