Ханчжоуда өтіп жатқан Азия ойындарында каратеден 60 келіге дейінгі салмақта өткен жарыста қазақстандық каратеші Қайсар Алпысбай жеңіске жетті.
Финалда Алпысбай екі дүркін Азия чемпионы кувейттік Абдулла Шаабанмен шықты. Жекпе-жек тартысты өтіп, бәрі соңғы секундтарда шешілді. Нәтижесінде қазақстандық 7:5 есебімен жеңіске жетіп, алтын медальді иеленді.
Қайсар Алпысбай 2022 жылғы Азия ойындарында ұлттық құрама үшін тоғызыншы алтынды алып берді.
