Жамбыл облысында 50 мыңға жуық электрон темекі жойылды. Бұл туралы қаржы мониторингі агенттігі хабарлады.
ҚМА департаменті облыс бойынша сот үкімімен вейптің едәуір көлемін жойды. Құрылғының жалпы саны 49,5 мың дана, құны 171 миллион теңгеден асады.
Қаржы мониторингі агенттігі Қазақстан Республикасының аумағына вейпті заңсыз әкелуге және айналымына қарсы күрес шеңберінде тиісті іс-шараларды тұрақты негізде жүргізеді, оның нәтижелері бойынша биыл тек Жамбыл облысында осындай үш факт анықталды. Тәркіленген вейптердің жалпы саны шамамен 175 мың дана болды, құны 350 миллион теңге, — делінген хабарламада.
Департамент қылмыстық істер бойынша үкім шыққаннан кейін вейптерді жою жөнінде шаралар қабылдайды.
