Астанада қураған шөп өртеніп жатыр. Бұл туралы қалалық төтенше жағдайлар департаменті хабарлады.
Баспасөз қызметінің мәліметінше, қураған шөптің өртеніп жатқаны туралы хабарлама өрт сөндірушілерге бүгін сағат 09.12-де түскен.
Өрт сөндірушілер оқиға орнына келгенде Қорғалжың тас жолы мен Қосшы қаласына қарай айналма жолдың арасында қураған шөптің өртеніп жатқаны анықталды, — делінген хабарламада.
Өртті сөндіруге Астана қалалық төтенше жағдайлар департаменті жеке құрамының 140 маманы мен 21 техникасы, әкімдіктің сегіз су шашатын машинасы, «Астана орманы» мекемесінің 10 көлігі жұмылдырылған.
Өртті сөндіруге қатты жел кедергі келтіріп отыр, — дейді мамандар.
