Парламент мәжілісінің экс-депутаты Нұржан Әлтаев пара алды деген күдікпен ұсталды. Бұл туралы сыбайлас жемқорлыққа қарсы қызмет хабарлады.
Ол кісінің ірі көлемде пара алды деген күдікпен ұсталғанын растаймыз. Өзге ақпарат қылмыстық-процессуалдық кодекстің 201-бабы бойынша және тергеу мүддесіне сәйкес жариялауға жатпайды, — делінген хабарламада.
Айта кетейік, Нұржан Әлтаев 2019 жылғы ақпаннан 2020 жылғы қарашаға дейін Қазақстан Республикасы парламенті мәжілісінің депутаты болды.