Медеу аудандық №2 соты Алматы спорт басқармасының экс-басшысы Рүстем Байсейітов пен оның қарамағындағыларға үкім шығарды.
Оларға 367 миллион теңгені жымқырды деген айып тағылды.
Сот үкімі бойынша Рүстем Байсейітов кінәлі деп танылып, өмір бойы мемлекеттік қызметте лауазымды қызмет атқару құқығынан және төрт жыл алты айға бас бостандығынан айыру жазасына кесілді.
- Алматы спорт басқармасының қаржы-экономикалық бөлімінің бұрынғы басшысы Әйгерім Байғонова үш жыл алты айға;
- «Қазақстан Гольф Федерациясы» РҚБ-ның спорт менеджері Әлия Смақова үш жылға;
- Qazaq Sport ЖШС директоры Ержан Мұхаманов 7,5 жылға бас бостандығынан айырылды.
Биыл қаңтарда Антикор Алматы спорт басқармасының лауазымды тұлғаларына қатысты 367 миллион теңге жымқыру фактісі бойынша сотқа дейінгі тергеудің аяқтады.