Қазақстан Республикасы Конституциясының 58-бабы 4-тармағының 2) тармақшасына сәйкес парламент палаталарының бірлескен отырысы 2023 жылғы 13 қаңтарда сағат 10:00-де Астанаға шақырылсын, – деп жазылған өкім мәтінінде.
Желтоқсан айының соңында мәжіліс спикері Ерлан Қошанов «Тұңғыш президент – Елбасы туралы» Конституциялық заңның күшін жою туралы Конституциялық заң жобасы қаңтар айында парламент палаталарының бірлескен отырысында қаралатынын мәлімдеген еді.
11 қаңтарда жаңадан құрылған Конституциялық сот «Қазақстан Республикасының тұңғыш президенті – Елбасы туралы» заң күшін жойды деп таныды.
