Бұл туралы Ақорданың баспасөз қызметі хабарлады.
Ермағанбет Қабдұлұлы Бөлекпаев Қарағанды облысының әкімі лауазымына тағайындалсын, — делінген жарлықта.
Облысты Қарағандының бұрынғы әкімі басқарды. Ермағанбет Бөлекпаев бұл қызметте 2020 жылдың қыркүйегінен бері жұмыс істеген.
Ермағанбет Бөлекпаев 1975 жылы 2 қыркүйекте Қарағанды облысы Шет ауданы Успенка ауылында дүниеге келген. Оның екі жоғары білімі бар: құқықтық және экономикалық. Еңбек жолын «Казкоммерцбанк» ААҚ Павлодар филиалында экономист болып бастап, кейін «Бизнес-информ» ақпараттық-коммерциялық орталығы өкілдігінің директоры болды. 1998 жылдан бастап индустрия және сауда министрлігінде түрлі лауазымдарда жұмыс істеді. Қазақстан Республикасы парламенті сенаты депутатының көмекшісі, Павлодар облысы әкімінің көмекшісі болды. 2005 жылдан бастап Павлодар облысы әкімі аппараты басшысының орынбасары, кейін Павлодар әкімі аппаратының басшысы.
2011 жылдың шілдесінен 2013 жылдың шілдесіне дейін Қазақстан Республикасы мемлекеттік қызмет істері агенттігінің басқарма бастығы — Оңтүстік Қазақстан облысы бойынша тәртіптік кеңестің төрағасы. Одан кейін Нұр-Сұлтанда «Сарыарқа», «Алматы», «Есіл» аудандарының әкімі болып тағайындалды. 2018 жылдың ақпан айынан бастап Қазақстан Республикасы президенті әкімшілігінің мемлекеттік инспекторы қызметін атқарды. 2018 жылдың желтоқсан айынан бастап осы күнге дейін Қарағанды облысы әкімінің орынбасары қызметін атқарды.