Баспасөз қызметінің мәліметінше, ауа температурасының 30 грудусқа дейін төмендеуіне және жолдың дұрыс көрінбеуіне байланысты тасжолдардың бірінде көлік қозғалысы шектелді.
Жолаушы тасымалдайтын рейстік автобустарға және дизельді қозғалтқыштармен жабдықталған автокөліктерге Өскемен-Семей тасжолының 10 — 198 шақырымында (Герасимовка ауылы мен Семей аралығы) қатынауға тыйым салынды, — делінген хабарламада.
Осы ретте, құтқарушылар өңір жұртшылығына алыс сапарға шығар алдында жолдардың жай-күйін «Дәрмен» мобайл қосымшасы арқылы тексеріп отыруға кеңес берді. Егер жолда қандай да бір қиындыққа тап болсаңыздар бірден «112» нөміріне қоңырау шалыңыздар.