Іс жүзінде біз жыныстық және еңбек қанауы, бала асырап алу мақсатында жаңа туған балалардың саудасы, адам ағзаларының саудасы және қайыр сұрауға мәжбүрлеу сияқты қылмыстармен бетпе-бет келеміз. Қылмыс объектісіне айналатын көбіне балалар болғандықтан осы мәселе ерекше назар аударуды қажет етеді. Сондықтан 16 жасқа толмаған азаматтардың Қазақстаннан кету тәртібі өзгереді, — деді ІІМ ұйымдасқан қылмысқа қарсы күрес департаментінің басшысы Қанат Нұрмағамбетов.
Марат Ахметжанов балалардың шетелге шығуы бақыланатынын, ата-анасының рұқсатынсыз бөгде адам баланы шетелге әкете алмайтынын айтты.
Бірақ бізде балаларды жалған құжатпен немесе алдау арқылы халықаралық іс-шараларға апаратын жағдайлар кездеседі. Содан кейін оны қайтару қиынға соғады. Мұнда біз қырағылық танытып, олардың қайда бара жатқанын, қандай мақсатта кететінін біліп алдын алуымыз керек, — деп түсіндірді министр.