2023-2025 жылдарға арналған кепілдендірілген трансферт кесімді баға кезінде мұнай секторы ұйымдарынан ұлттық қорға түсетін түсімдер көлемінен аспайтын мөлшерде жоспарланған. Ұлттық қордан республикалық бюджетке кепілдендірілген трансферттің барынша мүмкін болатын көлемін есептеу үшін пайдаланылатын кесімді баға — бір баррель үшін 48,9 АҚШ доллары. Нәтижесінде кепілдік берілген трансферттің ең жоғары ықтимал мөлшері — 2 393 миллиард теңге, бюджет жобасында 2,2 триллион теңге көзделген, — деді Татьяна Савельева.
Оның айтуынша, республикалық бюджет шығыстарының өсу қарқыны инфляция бойынша мақсатты ескере отырып, ұзақмерзімді экономикалық өсімнің орташа деңгейінен аспайтын көлемде айқындалған.
Шығыстардың шекті көлемін айқындау кезінде соңғы 10 жылдағы экономиканың номиналды өсімі және жоспарланатын кезеңге арналған инфляцияның орташа деңгейі пайдаланылады. 2023 жылға арналған шығыстардың шекті көлемі — 21 004 миллиард теңге, бюджет жобасында шығыстар 21 003 миллиард теңге сомасында көзделген, — деді Татьяна Савельева.
