Қару-жарақ қоймасы Медеу ауданындағы саяжай алқабынан табылған. Криминалдық полиция қызметкерлері мемлекеттік күзет қызметінің қызметкерлерімен бірлесіп, бетон қоршаудың жанынан 70 метр радиуста қару-жарақ қоймасын тапқан.
ҚР қылмыстық кодексінің 287-бабы бойынша тергелетін қылмыстық іс материалдарына іс жүргізу тәртібімен 2 Макаров жүйесінің тапаншасы, тегіс ұңғылы мылтық, 512 дана әртүрлі калибрлі патрондар, оның ішінде Калашников автоматына арналған патрондар, 22 дана граната, соның ішінде әскери, сонымен бірге радиостанция тіркелген,- делінген хабарламада.
Сонымен қатар жасырылған орыннан өсімдік тектес және ұнтақ тәрізді есірткі заттары табылды. Қылмыстық іс аясында сот-баллистикалық және сот-химиялық сараптамалар тағайындалған.
