Жапония үкіметінің бұрынғы басшысы Синдзо Абэ қайтыс болды

Бүгін таңертең Жапонияның бұрынғы премьер-министрі Синдзо Абэні белгісіз біреу атып кеткен болатын. Арада бірнеше сағат өткенде экс-премьер ауруханада қайтыс болды.

Бұл туралы Kyodo агенттігі хабарлады.

Жапонияның халықаралық NHK телеарнасының хабарлауынша, үгіт-насихат науқаны аясында елдің батысындағы Нара префектурасына келіп, халық алдында сөз сөйлеп тұрған Синдзо Абэге белгісіз біреу оқ атқан.

Экс-премьер денесіне оқ тиіп, сол мезетте жерге құлап түскен. Оқиға жергілікті уақыт бойынша 11:30-да болған. Өрт сөндіру қызметінің хабарлауынша, бұрынғы премьер-министр ауруханаға жеткізілген.

Полицияның ақпаратына сәйкес, күдікті оқиға орнында қамауға алынған. Ол — шамамен 40 жастағы ер адам.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз