Бұл туралы «Бәйтерек» ұлттық басқару холдингінің басқарма төрағасы Қанат Шалапаев айтты.
Зейнетақы жинақтарының тұрғын үйге жұмсауға болатын шекті мөлшерінің өсуіне және келесі жылы «7-20-25» бағдарламасының аяқталуына байланысты 500 миллиард теңге ипотекаға немесе 35 мың пәтерге деген сұраныстың төмен болуы болжанып жатыр. Жеке құрылыс салушылардың коммерциялық тұрғын үйді сату жылдамдығы айтарлықтай төмендеуі мүмкін. Сұраныстың өтелмеуіне жол бермеу мақсатында халық үшін Екінші деңгейлі банктердің нарықтық ипотекасы бойынша сыйақы мөлшерлемесін субсидиялау тетігін іске қосу ұсынылады, — деді ол үкімет отырысында.
Оның айтуынша, Қазақстан қаржыгерлер қауымдастығымен жүргізілген келіссөздер нәтижесінде мынадай базалық шарттар ұсынылып отыр. Ол ұсыныстар мынадай:
- бастапқы жарна 20% басталатын;
- кредит беру мерзімі 20 жылға дейін болатын;
- қарыздың ең жоғарғы сомасы 35 миллион теңгеге дейін жететін;
- төлем қабілеттілігін міндетті түрде растауды қажет ететін ипотеканы іске қосу ұсынылып жатыр.
Ұлттық банктің базалық мөлшерлемесінің деңгейінен 5%-тен аспайтын ипотека бойынша сыйақы мөлшерлемесінің 7% субсидияланады. Екінші деңгейлі банктер өз қаражаты есебінен құрылыс салушылардың бастапқы тұрғын үйіне және Қазақстан тұрғын үй компаниясының кепілдігімен қамтамасыз етілген салынып жатқан тұрғын үйге қарыз бере алады. Осы бағдарламаны іске қосу үшін заңнамалық өзгерістер қажет емес. Қазіргі уақытта бюджеттік өтінім қаржы министрлігінің қарауында. Бюджет мақұлданғаннан кейін, Қазақстандық тұрғын үй компаниясы осы бағдарламаны дереу іске қосуға дайын,- деді Қанат Шалапаев.
