Сауда министрі қант бағасы туралы: Қаласаң да, қаламасаң да өседі

Вице-премьер, сауда және интеграция министрі Бақыт Сұлтанов азық-түліктің қымбаттауы туралы айтты.

Оның айтуынша, Қазақстанда негізгі азық-түлік тауарлары бойынша тапшылық жоқ. Тек тауардың алты түрі бойынша импортқа тәуелділік бар. Мұны төмендету үшін арнайы бағдарлама қолға алынған.

Министр сыртқы нарықта баға өскендіктен, ішкі нарықта да азық-түлік қымбаттайтынын айтты.

Мысалы, қант бойынша бізде импортқа тәуелділік бар. Қаласаң да, қаламасаң да қант бағасы көтеріле береді. Өйткені биржалық баға бүкіл әлемде өсіп жатыр. Қантты біз Ресейден жеткізіп келгенімізді білесіздер. Көрші ел тауар жеткізуді шектегеннен кейін, логистика да қымбатқа түседі. Доллар да, еуро да өсіп жатыр, — деді министр үкімет кулуарында.

Бақыт Сұлтанов бірқатар бағыт бойынша ӘКК және тұрақтандыру қорлары тарапынан жұмыс жүргізілетінін атап өтті.

Бірқатар тауар түрі бойынша айналма схемалар арқылы тұрақтандырылады. Яғни, желілер қаржыландырылады және бағаны ұстап тұру үшін алдын ала форвардтық келісімшарттармен қамтамасыз етіледі,- деді министр.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз