Зерттеу 22 елдегі 44 000-нан астам ересек адамды қамтыды. Сауалнама жұртшылықтың темекі мен темекі өнімдерін реттеудегі теңгерімді көзқарасты қолдайтынын көрсетті, мұнда барлық дауыстар, соның ішінде шылым шегушілердің өздері де ескерілетін болады, қазіргі уақытта олар еленбей жатыр.
Қоғам адамзат алдында тұрған негізгі мәселелерді шешуге бағытталған саяси шараларды қабылдауға атсалысқысы келеді. Осылайша, респонденттердің оннан сегізінен астамы (82%) маңызды жаһандық әлеуметтік мәселелердің ең жақсы шешімдерін шектен емес, «қақ ортадан» табуға болады деп есептейді. Ал мемлекет пен заң шығарушылар барлық көзқарастарды, тіпті өздерінің көзқарастарына қайшы келетіндерін де ескеруі керек.
Респонденттердің 75%-і темекі мен алкогольді тұтынуды толығымен тоқтату туралы үміттер қолжетімсіз, сондықтан үкімет олардан келетін зиянды азайту шараларын қабылдауы керек деп санайды. Тағы 72%-і үкіметтер темекі түтініне қарсы күресте балама өнімдердің рөлін қарастыруы керек деген пікірмен келіседі.
Респонденттердің 76%-і ел басшылары әлеуметтік мәселелерді түбегейлі шешу идеясынан бас тартып, саясатта біртіндеп ілгерілеуге әкелетін өзгерістерге ұмтылуы керек деп санайды.
Сонымен қатар респонденттердің 77%-і негізгі әлеуметтік мәселелерді шешуге корпорациялардың қатысуын құптайды, ал 85%-і азаматтар мен компаниялардың бірігіп жұмыс істеуі үлкен әсер етеді деп есептейді.
Povaddo 2022 жылғы 5-23 ақпан аралығында онлайн сауалнама жүргізді. Аргентина, Бразилия, Болгария, Колумбия, Коста-Рика, Чехия, Республика, Доминикан республикасы, Франция, Германия, Греция, Италия, Жапония, Малайзия, Мексика Филиппин, Португалия, Сербия, Оңтүстік Африка, Оңтүстік Корея, Испания, Ұлыбритания және АҚШ сияқты 22 елде 21 жастан асқан 44 000-нан астам адамнан сауалнама алынды. Әр елде 2 000-ға жуық сұхбат жүргізілді.