Бақытгүл Хаменоваға қатысты алғашқы сот отырысы шегерілді

Атырау облысы әкімінің экс-орынбасары Бақытгүл Хаменоваға қатысты алғашқы сот отырысы шегерілді. Бұл туралы Еlitar.kz сайты хабарлады. 

Бұған дейін облыстық соттың баспасөз қызметі өкілі қылмыстық іс Атырау қалалық № 2 сотына түскенін айтқан еді. Алғашқы сот отырысы 14 маусымға белгіленген болатын.

Істі қарайтын судья өзге қылмыстық іс бойынша кеңесу бөлмесіне кетуіне байланысты, басқа күнге ауыстырылды, — деді соттың баспасөз қызметі өкілі.

Айта кетейік, экс-шенеунік «пара алды» деген күдікке ілініп, тергеу абақтысына қамалған еді. Бақытгүл Хаменовамен бірге мәдениет, тілдерді дамыту және архив ісі басқармасының басшысы Акылбек Рысқалиев та қамауда отыр.
Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз