2022 жылғы қаңтардан бастап азаматтардың ұсыныстарын ескере отырып, ведомство дәрілік заттарды, медициналық бұйымдарды сатып алуды ұйымдастыруға және өткізуге, тегін амбулаториялық емдеу үшін дәрілік заттардың тізбесін кеңейтуге, оның ішінде орфандық аурулары бар пациенттерді дәрімен қамтамасыз етуге қатысты бірқатар нормативтік-құқықтық актілерге өзгерістер енгізу жөніндегі іс-шараларға бастамашылық жасады,- делінген хабарламада.
Орфандық аурулар мен оларды емдеуге арналған дәрілік заттар тізбесіне аурулардың 10-нан астам жаңа түрі және 22 дәрілік препарат енгізілген.
Министрлік мәліметінше, биыл амбулаториялық қамтамасыз ету аясында шамамен 2,5 миллион қазақстандық тегін дәрі-дәрмекпен қамтамасыз етіледі.