Antikor Almaty және «Әділдік Жолы» сыбайлас жемқорлыққа қарсы комплаенс-офицерлерді оқытуға қатысты

Мемлекеттік басқару академиясының Алматы филиалының алаңында квазимемлекеттік сектордың комплаенс-қызметтерінің қызметкерлері үшін бірқатар оқыту семинары өтті.

Бұл туралы Алматының сыбайлас жемқорлыққа қарсы қызметінің баспасөз қызметі хабарлады.

Іс-шараға Алматының сыбайлас жемқорлыққа қарсы қызметінің және «Әділдік Жолы» қоғамдық бірлестігі қалалық филиалының басшылығы қатысты.

Оқыту барысында квазимемлекеттік сектор субъектілерінің сыбайлас жемқорлыққа қарсы комплаенс офицерлері қызметінің негізгі мәселелері айтылып, жұмыс әдістемелері мен қағидаттары түсіндірілді,- делінген хабарламада.

Фото: Алматы сыбайлас жемқорлыққа қарсы қызметінің баспасөз қызметі

Бұдан басқа, Қазақстан Республикасының 2022-2026 жылдарға арналған сыбайлас жемқорлыққа қарсы саясат тұжырымдамасының нормалары, сонымен қатар №4 «Сыбайлас жемқорлықтың алдын алу және оған қарсы іс-қимыл» үлгілік базалық бағыты шеңберінде жобалық басқаруды іске асыру бойынша талаптар назарына жеткізілді.

Іс-шара пікірталас, проблемалық мәселелерді талқылау, оң тәжірибені тарату арқылы өтті.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз