Оның айтуынша, мемлекет басшысының тапсырмасына сәйкес өңдеу өнеркәсібінде 115 мың жұмыс орнын құрумен 690 жоба жүзеге асырылады.
Бұл ретте мемлекет тарапынан жасалып жатқан маңызды шаралардың бірі – азық-түлік өнімдерін 100% импорт орнын басу. Бұл елдің азық-түлік қауіпсіздігін қамтамасыз етеді.
Былтыр жыл қорытындысы бойынша отандық азық-түлік өнімдерінің нарықтағы үлесі 80% болды. Алты тауар бойынша Қазақстан әлі де импортқа тәуелді. Олар алма, шұжық, сүзбе мен ірімшік, қант, құс еті мен балық. Енді өзімізді 80% деңгейінде қамтамасыз ету мүмкіндігі бар. Біз өнімнің 20%-ін ғана сырттан импорттауға мәжбүрміз. Алдағы уақытта бағдарлама 2025 жылға дейін өнімнің алты түрін толығымен жабуға мүмкіндік алады. Тек қант 80% деңгейінде қалады. Басқа елдердің барлық тауарын сату кезінде 100% деңгейіне жеткіземіз. Бұл – ең үлкен жобалардың бірі. Сондықтан болашақта импортқа тәуелділікті жою үшін 900 инвестициялық жоба жүзеге асырылмақ,- деді Ералы Тоғжанов.
Вице-премьердің айтуынша, керамикалық плиталар, кальцийленген сода мен каустикалық сода, жылу оқшаулағыш материалдар, арнайы кокс және калий тыңайтқыштары сияқты тауарларда импортты толық алмастыруға қол жеткізіледі деп жоспарланып отыр.
