Қазақстанның шекаралас елдермен арадағы шектеулері алынды

Қазақстанның Қырғызстан, Өзбекстан және Ресей мемлекеттерімен арадағы құрлық шекарасындағы шектеулері алынды.

Ел аумағында коронавирустың таралуына жол бермеу жөніндегі ведомствоаралық комиссия мұндай шешімді 6 сәуір күні қабылдаған. Аталған құжатқа сәйкес, бүгіннен бастап шекаралас елдер арасында азаматтар өткізу бекеттерін шектеусіз кесіп өте алады.

Сонымен қатар Қазақстанның мемлекеттік шекарасын әуеқатынасы арқылы кесіп өтуге белгіленген барлық шектеулер тоқтатылды.

Бірақ ПТР әдісімен COVID-19 зерттеуінің теріс нәтижесі бар анықтаманы немесе қазақстандықтар мен Қазақстан аумағында тұруға ықтиярхаты бар шетел азаматтары вакциналау, ревакциналаудың толық курсынан өткендігін растайтын құжатты міндетті түрде ұсыну жөніндегі талап сақталатынын есте сақтау қажет.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз