Алматыда 78 атыс қаруы жасырылған орын табылды

Ұйымдасқан қылмыстық топтың бірінің мүшелерінен әскери арсенал тәркіленді. Іс-шараны Алматы бойынша ҰҚКД-ның көмегімен полиция қызметкерлері жүргізді.

Алматы полиция департаментіндегілердің мәліметінше, ауыр және аса ауыр қылмыстарды жасағаны үшін ұйымдасқан қылмыстық топтың бес мүшесі ұсталып, қамауға алынды.

Кешенді жедел және арнайы іс-шараларды жүргізу барысында олардың Алматы облысы аумағында бірнеше қару жасыру орындарын ұйымдастыру деректері анықталды.

2 «Калашников» автоматы (АКС), «Макаров» және «ТТ» жүйелерінің 2 жауынгерлік тапаншасы, 3 аңшылық карабин, 2 тегіс ұңғылы винчестер, 13 кесілген аңшы мылтығы, 53 аңшы мылтығы, 3 травматикалық тапанша, әртүрлі атыс қаруына арналған 200-ден астам оқ-дәрі тәркіленді,- деді Алматы полиция департаменті бастығының орынбасары, полиция полковнигі Берік Әбілбеков.

Сонымен қатар ұйымдасқан қылмыстық топ мүшелерінен 2 жауынгерлік және 4 жарық шулы граната, 4 пышақ, 2 портативті радиостанция, сонымен қатар әртүрлі арнайы құралдар – оптикалық көздеуіштер, оқ өткізбейтін жиде, таяқша алынды.

Қару мен оқ-дәрілерді заңсыз сақтау дерегі бойынша қылмыстық кодекстің 287 бабы 3 бөлігінің нормаларына сәйкес сотқа дейінгі тергеу амалдары жүріп жатыр,- деді Берік Әбілбеков.

Баспасөз қызметі хабарлағандай, арсенал сараптамаға жіберілді, оның қорытындысы бойынша тәркіленген қару-жарақ пен оқ-дәрілердің шығу тегі мен иесі анықталады.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз