24 наурызда Қапшағай қалалық мәслихаты отырысы өтті. Ол жерде Қапшағай атауын Дінмұхамед Қонаев деп өзгерту мәселесі бойынша ішкі саясат бөлімінің басшысы Бибігүл Шайкенованың баяндамасы тыңдалды.
Дауыс беру қорытындысы бойынша Қапшағай атауын Дінмұхамед Қонаев деп өзгерту туралы шешім бірауыздан қабылданды.
Қоғамдық бірлестіктерден әкімнің атына қаланы қайта атау туралы хаттар келіп түсті. Олардың арасында мүгедектер, көпбалалы аналар, кәсіпкерлер, түрлі этномәдени орталықтар мен партиялар бар, — деп атап өтті Шәйкенова.
Еске сала кетсек, 16 наурызда мемлекет басшысы Қасым-Жомарт Тоқаев өз жолдауында егер халық Қапшағайға Қонаевтың есімін беруді ұсынса, ол мұны қолдайтынын мәлімдеген болатын.
