Премьер-министр журналистер сұрағына жауап бере алмайтын шенеуніктерді сынады

Премьер-министр Әлихан Смайылов үкімет мүшелеріне журналистермен тығыз байланыста болуды тапсырды.

Ажар Ғиниятқызы, өткен аптада денсаулық сақтау вице-министрі қатысқан брифинг өтті. Денсаулық сақтау вице-министрі журналистер сауалына жауап бере алмағаны өкінішті. Осыған назар аударуыңызды өтінемін, — деді Әлихан Смайылов үкімет отырысында.

Премьер-министр мұндай жағдайлар үкімет жұмысына кері әсер ететінін айтты.

Үкімет мүшелеріне журналистермен тығыз байланыста болуды тапсырамын. Біз қоғамға ашық болуымыз керек. Әрбір шешімді дұрыс жеткізу, оны қоғаммен талқылап, қабылдау — үкіметтің басты міндеті, — деді үкімет басшысы.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз