Мемлекет басшысының бұл туралы тиісті өкімдері Ақорданың сайтында жарияланды.
Қаныш Әбубәкіров Қазақстан Республикасы Қарулы күштерінің Құрлық әскерлері Десанттық-шабуылдау әскерлерінің қолбасшысы лауазымынан босатылды. Ол бұл қызметке 2019 жылдың 4 мамырында тағайындалған еді.
Президент өкімімен Мереке Күшікбаев Құрлық әскерлері Десанттық-шабуылдау әскерлерінің қолбасшысы болды.
Мереке Күшікбаев Қазақстан Республикасы Қарулы күштерінің Құрлық әскерлері Десанттық-шабуылдау әскерлерінің қолбасшысы лауазымына тағайындалды, ол «Астана» өңірлік қолбасшылығы әскерлерінің қолбасшысы лауазымынан босатылды, — делінген жарлықта.
Ал Шайх-Хасан Жазықбаев «Астана» өңірлік қолбасшылығы әскерлерінің қолбасшысы лауазымына тағайындалды.