Түркістан облысы тауларында тағы бір мәйіт табылды

Түркістан облысының Төлеби ауданына қарасты "Сайрам-Өгем" шатқалында тағы бір адамның мәйіті табылды. Бұл туралы Төтенше жағдайлар министрлігінің баспасөз қызметі хабарлады. 

22 маусым сағат 11.50-де Шымкент қаласы төтенше жағдайлар департаментінің жедел-құтқару жасағының құтқарушылары мәйітті Айғыржыққан және Өгем өзендерінің тоғысқан жерінен екі шақырым жоғарыда су түбінен тапқан, — деді Төтенше жағдайлар министрлігінің ресми өкілі Талғат Уәли.

Мүрдені тасымалдау үшін «Қазавиақұтқару» акционерлік қоғамы тікұшағы оқиға орнына бара жатыр. Табылған мәйіт сараптама жасалу үшін полиция қызметкерлеріне табысталады.

Түркістан, тау, турист
Фото: Төтенше жағдайлар министрлігінің баспасөз қызметі

Іздестіру жұмыстары 8 бағыт бойынша жүргізілді. Оған 107 адам, 17 техника, 3 квадрокоптер, 4 кинологиялық есеп пен 1 тікұшақ жұмылды.

Түркістан, тау, турист
Фото: Төтенше жағдайлар министрлігінің баспасөз қызметі

Еске салайық, 25 мамырда сағат 18.30-да «112» пультіне жеті туристің жоғалып кеткені туралы хабарлама түскен. Іздестіру жұмыстары 27 тәулік бойы жалғасты. Бұған дейін 3 турист құтқарылса, тағы үш туристің мәйіті табылған еді.

Төтенше жағдайлар министрлігінің өкілдері барша адамға таулы жерлерде қауіпсіздік шараларын қатаң сақтап, дайындықсыз тауға шықпауға үндеді.

Түркістан, тау, турист
Фото: Төтенше жағдайлар министрлігінің баспасөз қызметі
Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз