Homm9k

Алина есімді бойжеткен қазақстандық тиктокерлердің көшін бастап тұр. Оның парақшасын 8 миллиион 800 мың адам оқиды. Көбісі бұл аруды “Хомяк” лақап атымен таниды. Алина анименің дыбысына видео түсіргенді ерекше ұнатады.

Kagiristwins

Бұл аккаунтты Наргиз және Томирис есімді егіз апалы-сіңілі жүргізеді. Бүгінде олардың 4 миллион оқырманы бар. Онда қыздар көбіне өмірдегі түрлі қызық әрі әзілге толы өмірімен бөліседі. Контентінің тағы бір ерекшелігі – қыздардың хореографиясы.  Сонымен бірге апалы-сіңілі қыздар Youtube-та және Instagram желісінде белсенді.

Sergei_03.04.851985

Бұл – изометрия жаттығулары мектебінің негізін салушы Сергей Цырульниковтың аккаунты. Оның негізгі контенті – жаттығулар мен трюктер. Видеода ол қолымен шынжыр сындырып, шеге қағып дүйім жұртты таңғалдырады. Оқырман саны – 3 миллион 200 мың.

I_am_doshik1

Парақша иесі Дарья – Алматы тұрғыны. 16 жастағы қыздың 2 миллион 600 мың оқырманы бар. Ол трендтегі әзілге толы бейнелерді түсіреді.

Avdi_senpai_i

Жамбылдық 15 жасар шопан бала – Tiktok жұлдызы. Жарты жыл бұрын ғана ашқан парақшасына 2 миллион адам жазылған. Ол Геракл атты тұлпарына мініп, жанына итін серік етіп, өрістегі малын бағады. Шопан бала өз оқырмандарына сол күнделікті тіршілігін қызық етіп сипаттайды. Сонымен бірге қолданушыларға қазақ тілін үйрететіні де бар. Бүгінде жасөспірімнің видеоларының қаралымы 50 миллионнан асты.