Қызылорда өңірінде мал шаруашылығы бойынша 33 жоба жүзеге асып жатыр

Қызылорда облысы мал шаруашылығы бойынша алда келеді. Мәселен, өңірде мал шаруашылығы бойынша 33 жоба жүзеге асып жатыр. Бұл туралы Орталық коммуникациялар қызметіндегі брифингте облыс әкімі Гүлшара Әбдіқалықова айтты.

Облыс әкімінің атап өтуінше, мал шаруашылығында былтыр өңірде ірі қара мал саны – 4,4%, қой мен ешкі – 5,5%, жылқы – 8,5%, түйе – 5,3% өскен.

Негізгі міндет – жайылымдық шаруашылықта пайдалануға болатын жайылымдардың тиімділігін арттыру. Ол үшін пайдаланылмаған жайылымдардағы 452 су көзін жөндеуді жоспарладық. Бұл үшін шамамен 7 миллион гектар жерді пайдаланамыз. Мұнан бөлек, мал шаруашылығы өнімдерін өндіру мен қайта өңдеу бойынша жалпы сомасы 10 миллиард теңгеден астам 33 жоба жүзеге асырылуда, – деді брифингте Гүлшара Әбдіқалықова.