Ашылғанына бір жыл толған цех өнімдеріне жергілікті тұрғындар тарапынан тапсырыс аз емес. Әзірге барлық жұмысты өзі атқарады. Өндіріс орнының иесі сұраныс артып жатса, цех аумағын ұлғайтып, тұрғындарды жұмыспен қамтуды жоспарлап отыр.
Дәл осындай грант иесі шардаралық Ұлназық Мысқалбай былтыр қажет жабдықтар алып, массаж кабинетін ашқан. Бүгінде күніне 7-8 адамға ем-дом жасап, айына орта есеппен 200 мың теңге табыс табады.
Бұған қоса, Шардара ауданының арнайы санатқа жататын тұрғындарына атаулы әлеуметтік көмек төлеуге 887,9 миллион теңге қаржы қаралған. Сондай-ақ 1-6 жасқа дейінгі балаларды кепілдендірілген әлеуметтік пакетпен қамтуға (азық-түлік және гигиена кұралдар жиынтығы) 195,4 миллион теңге бағытталған.
Қазіргі таңда ауданда атаулы әлеуметтік көмек алған отбасы саны — 598, ал кепілдірілген әлеуметтік пакет отбасы саны 600-ге жуық.
Атап айтқанда, кепілдірілген әлеуметтік пакетпен қамтылған 1-6 жас бала саны — 1968, оның ішінде 1-3 жас бала саны — 850, 3-6 жас бала саны — 1118, оларға төленген қаржы — 27,1 миллион теңге.
