Қасым-Жомарт Тоқаев жұмыс сапарымен Петропавлға ұшып барды. Бұл туралы Президенттің баспасөз хатшысы Facebook-те хабарлады.
Солтүстік Қазақстан облысында Қасым-Жомарт Тоқаев тұрғындармен кездесіп, өңірдегі күзгі жиын-терім науқанының барысымен танысады, — деп жазды Берік Уәли.
Айта кетейік, бүгін, 10 қыркүйек күні таңертең Қасым-Жомарт Тоқаев Қостанай облысына жұмыс сапарымен барды. Президент Қостанай облысының шаруаларымен кездесті және балмұздақ және ашытылған сүт өнімдерін өндіретін «Милх» жауапкершілігі шектеулі серіктестігінің жұмысымен танысты.
