Коронавирустың тарауына жол бермеу жөніндегі ведомствоаралық комиссияның мәліметінше, Қазақстанда коронавирус инфекциясынан 5 073 адам емделіп жатыр.
Стационарларда 2 863 науқас бар, ал 2 210 адам амбулатория жағдайында ем алып жатыр.
140 адамның жағдайы нашар. Соның ішінде 18 пациенттің ахуалы аса қатты ауыр деп бағаланып отыр. 24 науқас өкпені жасанды желдету аппаратына қосылған, — деп хабарлады ведомствоаралық комиссия.
Қазақстанда коронавирус жұқтырғандар саны 106 361-ге жетті, 99 654 адам инфекциядан жазылды, 1 634 науқас қайтыс болды.