Мемлекет басшысының өкімімен Ботагөз Шаймарданқызы Жақселекова Қазақстан Республикасы Денсаулық сақтау министрлігінің жауапты хатшысы қызметінен босатылды, — делінген Ақорданың сайтында.
Ботагөз Жақселекованың орнына ведомствоның жауапты хатшысы болып Әсем Нүсіпова тағайындалды.
Мемлекет басшысының өкімімен Әсем Бекқызы Нүсіпова Қазақстан Республикасы Денсаулық сақтау министрлігінің жауапты хатшысы қызметіне тағайындалды, — делінген Ақорданың сайтында жарияланған жарлықта.
Әсем Нүсіпова 2016-19 жылдары Шығыс Қазақстан облысы әкімінің орынбасары қызметін атқарды.
2008-16 жылдары «ҚазТрансОйл» АҚ бас директорының экономика және қаржы жөніндегі орынбасары, 2006-08 жылдары Қазақстан Республикасы Денсаулық сақтау вице-министрі болды.