Енді Қызылордада дәрі-дәрмекке мониторинг күн сайын жүргізіледі

Аймақта денсаулық сақтау субъектілерін дәрілік заттармен қамтамасыз ету мақсатында мониторингтік топ құрылады. Бұл туралы Қызылорда облысының Бас мемлекеттік санитар дәрігері Әлия Әбдіқайымова мәлімдеді.

Фармацевтика қызметін жүзеге асыру бойынша коронавирус инфекциясын және жедел респираторлы вирус ауруының алдын алу және облыс тұрғындарының қауіпсіздігін қамтамасыз ету мақсатында қаулы қабылданып, бүгіннен бастап күшіне енеді. Мониторингтік топ дәріхана ұйымдарында, амбулаториялық-емханалық көмек беретін медицина ұйымдарында, инфекциялық, провизор және карантин стационарларында дәрілік заттардың болуын қадағалап, күн сайын мониторинг жүргізеді, — деді Әлия Әбдіқайымова.

Дәрілік заттармен қамтамасыз ету мәселелері бойынша 8 (7242) 40-00-01 телефон нөмірі бірыңғай сall-орталық болып белгіленген.