Қонақүй мен мешіт. Тағы қандай мекемелердің жұмысына рұқсат берілді?

2020 жылдың 13 мамырынан бастап Шымкент, Ақтау, Орал, Жезқазған, Балқаш, Үржар, Зайсан қалаларына әуе рейстері ашылады.

2020 жылдың 18 мамырынан бастап санитария талаптарына сай мынадай мекемелердің жұмыс істеуіне рұқсат беріледі:

— қонақүйлерге;

— сыйымдылығы 30 адамдық орынға дейінгі қоғамдық тамақтану объектілеріне;

— таза ауада қызмет көрсететін қоғамдық тамақтану объектілерінің жазғы алаңдарына;

— діни құлшылық жасау нысандарына, бірақ онда келген адамдар жалпы ғимарат көлемінің 30%-ын ғана толтыруы керек. Сонымен бірге санитария нормалары сақталуға тиіс.

2020 жылдың 1 маусымынан бастап ішкі теміржол қатынасы өз жұмысына кіріседі. Билеттер 15 мамырдан бастап сатыла бастайды.

Сонымен бірге отырыс кезінде шетелдегі Қазақстан азаматтарын елге қайтару мәселелері қаралды.