3 сәуір, сағат 16.00-дегі мәлімет бойынша Қазақстанда коронавирус жұқтырудың 453 жағдайы тіркелгені белгілі. Оның ішінде 29 адам ауруханадан шықты, үш адам қайтыс болды.
Ауру жұқтырып, емделіп жатқан науқастардың ішінде 11 адамның жағдайы ауыр, бір адамның жағдайы өте ауыр, 68 адам орташа ауыр жағдайда, 341 адамның ауруы жеңіл деңгейде, яғни симптомы жоқ, — деді Елжан Біртанов.
Министрдің мәліметінше, Қазақстанда коронавирус инфекциясының бірінші жағдайы тіркелгелі бері науқастармен қарым-қатынас жасаған 13 467 адам анықталды. Оның 442-сі қазір шетелде, елдегі адамдар стационарлар мен үйдегі карантинге жатқызылып жатыр.