Аурудан қорғайтын бетпердені қалай дұрыс қолдану керек?

• Медицина бетпердесін тақпас бұрын қолды сабынмен мұқият жуу немесе антисептикпен сүрту керек;
• Бетперде ауыз бен мұрынды жауып тұруы қажет. Адамның беті мен бетперде арасы ашық болмағаны дұрыс;
• Бетпердені қайта-қайта ұстамаған жөн. Оны ұстағаннан кейін қолды сабынмен жуу немесе антисептикпен сүрту керек;
• Бетперденің ішкі жағына қолды тигізбей, сыртынан ұстап шешкен дұрыс. Қолданылған бетпердені жабық қоқыс жәшігіне бірден тастау қажет. Содан кейін қайтадан қолды сабынмен жуу немесе антисептикпен сүрту керек;
• Бетперде ылғалданған соң шешіп тастаған жөн. Бірреттік бетпердені екінші рет қолдануға болмайды.

Медицина бетпердесін қандай жағдайда тағу керек?

• Сау адам бетпердені COVID-2019 вирусы болуы мүмкін науқасқа күтім жасаған кезде таққаны дұрыс;
• Түшкіріп немесе жөтеліп жүрген кезде тағу керек;
• Мұндай бетперде қолды антисептикпен сүрткенде немесе сабынмен жуғанда ғана пайдалы;
• Медицина бетпердесін тағып жүрсеңіз, оны қалай дұрыс қолдану керек екенін білуіңіз қажет.