Бұл актер 2017 және 2019 жылдары "Екінші пландағы үздік ер адам бейнесі" номинациясы бойынша "Оскар" алды. Дәстүрлі христиан сенімімен өскен ол есейгенде ислам дінін қабылдап, есімін өзгертті. Ол кім?
Актер Махершала Әли 2017 жылы "Ай жарығы" (Moonlight), 2019 жылы "Жасыл кітап" (Green book) фильмдеріндегі ролі үшін "Екінші пландағы үздік ер адам бейнесі" номинациясы бойынша "Оскар" алды. Ол мұсылман дінін қабылдаған соң Гилмор деген фамилиясын Әли деп өзгерткен.
"Билік" (Vice) фильмі 2019 жылы "Оскар" сыйлығын қай номинация бойынша жеңіп алды?
2019 жылы Адам Маккейдің "Билік" картинасы "Үздік грим және шаш үлгісі" номинациясы бойынша "Оскар" жеңіп алды. Фильм Америка тарихындағы ең ықпалды вице-президент Дик Чейнидің қызметі қазіргі әлемді қалыптастыруға қалай әсер еткенін баяндайды.
2019 жылы бұл номинация бойынша жүлдеге "Капернаум", "Авторсыз жұмыс", "Дүкен ұрылары" фильмдері ұсынылған еді, бірақ жеңіс "Рома" картинасына бұйырды. Номинацияны атаңыз.
Мексика режиссеры Альфонсо Куаронның "Рома" фильмі "Шетел тіліндегі үздік фильм" номинациясы бойынша "Оскар" жеңіп алды. Картинада үй шаруасынан босамайтын қызметші әйелдің елеусіз де мамыражай өмірі суреттеледі. 2020 жылы "Шетел тіліндегі үздік фильм" номинациясы "Үздік шетел көркем фильмі" деп өзгертілді.
Бұл фильм "Оскарды" 2016 жылы "Үздік сценарий" және "Үздік фильм" номинациялары бойынша алды. Картинада педофилия қылмысына кінәлі шіркеу қызметкерлері туралы баяндалады.
"Ерекше назарда" фильмі 1990-2000 жылдары Бостонда болған оқиғаға негізделген. The Boston Globe газетінің редакциясы Америка тарихындағы секс-жанжалдың бірін әшкерелейді. Картина 2016 жылы "Үздік сценарий" және "Үздік фильм" номинациялары бойынша "Оскар" алды.
Бұл артист 2011 жылы Тейт Тейлордың "Қызметші" фильміндегі жас журналист ролінен соң таныла бастады. Оған 2017 жылы "Оскар" мюзиклдегі басты рольді табысты ойнап шыққаны үшін берілді. Ол кім?
Эмма Стоун "Ла-Ла ленд" мюзикліндегі ролі үшін "Үздік әйел ролін" жеңіп алды. Актриса 2011 жылы "Қызметші" фильміндегі афро-американ әйелге нәсілдік кемсітушілікті тоқтатуға көмектескен жас журналист ролінен соң таныла бастады.
Тізімдегі актерлардың қайсы 2020 жылы "Үздік әйел ролі" номинациясы бойынша "Оскар" алды?
Бұл - Рене Зеллвегер. Ол "Джуди" (Judy) картинасында басты рольді сомдады. Фильм сценарийі Питер Куилтердің Америка әншісі, актриса Джуди Гарландқа арнаған "Кемпірқосақ соңы" (End of the Rainbow) пьесасы негізінде жазылды. Бұл роль актрисаға карьерасындағы екінші "Оскарды" алып берді.
2018 жылы мына фильмдердің қайсына "Оскар" "Үздік фильм" номинациясы бойынша бұйырды?
2018 жылы "Оскарды" "Үздік фильм" номинациясы бойынша "Су формасы" (The Shape of Water) фильмі жеңіп алды. Басты кейіпкер - ғылыми зертханада тазалықшы болып жұмыс істейтін әйел. Ол құпия мекемеде қамауда отырған мутантқа ғашық болып, оған қашуға көмектеседі.
2016 жылы бұл режиссер түсірген фильмде басты рольді ойнаған Леонардо ди Каприо карьерасындағы алғашқы "Оскарға" ие болды. Ал режиссердың өзі бұл сыйлықты "Үздік режиссер" номинациясы бойынша екі рет алған. Режиссерды атаңыз.
Бұл - Алехандро Гонсалес Иньярриту. Ол 2015 жылы "Бердмэн" (Birdman), 2016 жылы "Тірі қалған" (The Revenant) фильмдері үшін "Үздік режиссер" номинациясы бойынша "Оскар" сыйлығын жеңіп алды.
Фотограф, режиссер, сценарист, продюсер Аньес Вардаға 2018 жылы "Оскар" қай номинация бойынша берілді?
"Құрметті "Оскар" - кинематографияға елеулі үлес қосқаны үшін берілетін "Оскар" сыйлығы. 2018 жылы бұл номинация бойынша сыйлық Аньес Вардаға берілді. Ол өмірінде 20-дан астам көркем және деректі картина түсіруге қатысқан, продюсер 2019 жылы 90 жасында қайтыс болды.
2020 жылы ең көп жүлде алған фильм?
Пон Чжун Хоның "Паразит" фильмі 2020 жылы "Оскар" сыйлығын "Үздік ерекше сценарий", "Үздік фильм", "Үздік режиссерлық жұмыс" және "Үздік шетел көркем фильмі" номинациялары бойынша жеңіп алды.
Бөлісе отырыңыз:
