Былтырғы 9 айда Қазақстаннан көшіп кеткен адамдардың саны көшіп келгендерге қарағанда 26 200-ге көп болды. Оның дені - еңбекке қабілетті азамат. Ranking.kz мамандарының хабарлауынша, елден көбіне ұлты орыс азаматтар кетіп жатыр. 

2019 жылдың 3 тоқсанында Қазақстан ішінде 825,9 мың адам көшіп-қонды. 34 198 адам басқа елге көшіп кетіп, сырттан 8 мыңдай адам келді. Сыртқы көші-қон сальдосы теріс: кеткендер саны келгендерден 26 200 адамға көп.

Шетелге көшіп кеткен 34 мыңнан астам адамның 23 600-і – халықтың еңбекке қабілетті бөлігі. Сырттан келгендердің арасында мұндай санаттағылар – 6 200 адам.

Қазақстаннан көшіп кеткендердің 9,1 мыңы – 16 жасқа дейінгі бала, 1,5 мыңы – зейнеткер. Олардың ішінде 25 мыңға жуық адамның ұлты – орыс, 2,4 мыңға жуығы – неміс, 2,3 мыңға жуығы – украин.

Елімізге қоныс аударғандардың 11,1 мыңы – 16 жасқа дейінгі бала, 0,7 мыңы – зейнеткер. Олардың ұлтына қатысты статистика мынадай: 4,5 мыңы – қазақ, 1,7 мыңнан астамы – орыс, 217-сі – қарақалпақ.

Көші-қон

2019 жылдың желтоқсанының басында Қазақстанда халық саны 18,4 миллион адам болды, бұл бір жыл бұрынғыдан 1,3% көп. Ел азаматтарының 58,2%-і қалада, 41,8%-і ауылда тұрады. Қала халқы бір жылда 2,6% көбейіп, 10,7 миллион адам болған, ауыл тұрғындарының саны жыл ішінде 0,5% азайып, 7,7 миллион болды.

(Иллюстрация: Dribbble.com ©Theintro)