Қазақстанның көп бөлігінде боран мен күшті жел соғады

"Қазгидромет" кәсіпорны еліміздің қандай өңірлерінде ауа райының қолайсыздығына байланысты ескерту жарияланғанын хабарлады. 

Мамандардың мәліметінше, сәрсенбіде Солтүстік Қазақстан, Ақмола, Қостанай, Ақтөбе облыстарында қар жауады, боран соғады, өңірлердің кей жерінде көктайғақ болады. Оңтүстік-батыстан соғатын желдің екпіні секундына 15-20 метрге жетеді, кей жерде 30 метрден асады. Нұр-Сұлтанда қар жауады, боран соғады, жел екпіні секундына 23 метрге жетеді.

Қызылорда, Түркістан облыстарының кей жерінде тұман түседі, көктайғақ болады, боран соғады, оңтүстік-батыстан соғатын жел екпіні секундына 15-20 метрге жетеді. Шымкентте тұман түседі.

Маңғыстау облысында кей жерде тұман түседі, көктайғақ болады, оңтүстік-батыстан екпіні секундына 15-20 метрге жететін жел соғады.

Павлодар облысында қар жауады. Шығыс Қазақстан облысында да қар жауады, кей жерде боран соғады, оңтүстіктен, оңтүстік-шығыстан соғатын желдің екпіні кей жерде секундына 23-28 метрге жетеді.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз