Алматыда мамандандырылған «Жанұя» кешенінің тәрбиеленушілері коньки тебуді тегін үйреніп жатыр.
Алғашқы сабақ 28 гвардияшы-панфиловшы атындағы саябақта өтті. Әр жастағы 30 бала тәжірибелі 15 нұсқаушының көмегімен коньки тебуді бастады. Балаларға мұзайдында шай беріледі.
Ұйымдастырушылардың айтуынша, шараның мақсаты — өскелең ұрпақты спортқа баулып, салауатты өмір салтын насихаттау.
Еске сала кетейік, 20 желтоқсаннан бастап балалар үйінің тәрбиеленушілері қаланың төрт тегін мұзайдынында мәнерлеп сырғанауды үйреніп жүр. 2020 жылдың көктеміне дейін балалар үйінің 80-нен астам тәрбиеленушісі коньки тебе алатын болып шығады. Оқу курсы аяқталысымен балаларға сыйлықтар беріледі.
