Қарашаның соңғы күндері жолдарда қауіп күшейеді

Алдағы 3 тәулік ішінде елімізде аздаған аяз болады, бірақ қар жаумайды. Түнгі және таңғы мезгілде көше-жолдарды қалың тұман басып, көктайғақ болады.

Қыс боран тұман көктайғақ
Фото: DELFI/Lukas Bartkus

“Қазгидромет” синоптиктері 28-30 қараша күндері ауа райы қандай болатынын хабарлады.

Алдағы үш тәулікте Қазақстан аумағында орналасатын антициклонның ықпалынан ауа райы қалыпты аязды және айтарлықтай жауын-шашынсыз болады, ауа температурасы орташа көпжылдық шамаға жуық және одан 1-4 градус төмен  болады, – деп хабарлады мамандар.

Синоптиктердің мәліметінше, қауіпті құбылыстардан бұрынғысынша түнгі және таңғы уақытта 100-500 метрге дейінгі қашықтықты көрсетпей қоятын тұман түседі және көктайғақ болады.