Алматыда мүгедектігі бар жандар спорттан жарысты

Алматыда Алатау ауданындағы мүгедектер қоғамының 10 жылдығына арналған IX ауданаралық спартакиада ұйымдастырылды.

Мүгедектер қоғамының 10 жылдығы
Фото: Алматы әкімінің баспасөз қызметі

Алматы әкімінің баспасөз қызметінің хабарлауынша, спартакиада спорттың 7 түрі бойынша өтті.

Аудан тұрғындары Александр Рубанович ерлер арасындағы үстел теннисінен I орын, Ихсан Тотен  шахматтан I орын, Денис Брагин допты себетке лақтыру бойынша I орын иеленді. Ал Эльдана Бадуова әйелдер арасындағы үстел теннисі бойынша І орын, Аружан Әбдіәкімова үстел теннисі бойынша II орын және Раушан Мананбаева тоғызқұмалақтан I орын алды, – деп жазылған хабарламада.

Жалпы командалық есепте Алмалы ауданының командасы 2-орынға ие болды. Барлық қатысушы бағалы сыйлықтармен марапатталды.