Мақалада көрсетілген “Жаңа гуманитарлық білім. Қазақ тіліндегі 100 жаңа оқулық” жобасы қандай нәтиже береді?
“Бұл бағдарлама арқылы ең алдымен, жүз мыңдаған студентке жаңа сапалық деңгейде білім бере бастаймыз. Оған қоса, жаңа мамандар ашықтық, прагматизм мен бәсекелік қабілет сияқты сананы жаңғыртудың негізгі қағидаларын қоғамда орнықтыратын басты күшке айналады. Осылайша болашақтың негізі білім ордаларының аудиторияларында қаланады” (“Болашаққа бағдар: рухани жаңғыру” мақаласынан үзінді).
Бағдарлама аясында “Күлтегін” ғылыми-танымдық деректі фильмін түсіруді қандай телеарналар қолға алды?
“Рухани жаңғыру” бағдарламасы аясында “Күлтегін” ғылыми-танымдық деректі фильмін түсіруді National Geographic, Viasat History, Discovery арналары қолға алды.
“Қазақстанның 100 жаңа есімі” жобасының мақсаты қандай?
“Бұл жоба ақылымен, қолымен, дарынымен заманауи Қазақстанды жасап жатқан нақты адамдарды қоғамға таныту үшін бағытталғаны жөн” (“Болашаққа бағдар: рухани жаңғыру” мақаласынан үзінді).
“Рухани жаңғыру” бағдарламасы алғаш іске асырылған жылы оның қай жобасы бойынша жеңімпаздарды анықтауға интернет қолданушылары ерекше белсенді қатысты?
2017 жылы “Қазақстанның 100 жаңа есімі” жобасы жалпыхалықтық онлайн дауыс беру арқылы 102 жеңімпазды анықтады.
Нұрсұлтан Назарбаев “Рухани жаңғыру” бағдарламасы арқылы қазақ мәдениетін әлемге танытуға ерекше үлес қосатын мереке” деп қай күнді айтты?
“Рухани жаңғыру” бағдарламасы арқылы ұлттық мәдениетімізді әлемге танытуға Домбыра күні ерекше үлес қосады” (Елбасының домбыра күнінің ашылу салтанатында айтқан сөзі).
2025 жылға дейін орындалуға тиіс тапсырманы көрсетіңіз?
“2025 жылға қарай іс қағаздарын, мерзімді баспасөзді, оқулықтарды – бәрін де латынға негізделген жаңа әліпбимен басып шығара бастауға тиіспіз” (“Болашаққа бағдар: рухани жаңғыру” атты мақаласынан үзінді).
2017 жылы “Туған жер” жобасына меценаттар қанша қаражат жұмсады?
“Меценаттар есебінен 51 миллиард теңгеден астам демеушілік көмек алынды”. 2018 жылы Үкіметтің кеңейтілген отырысында сол кездегі Премьер-министр Бақытжан Сағынтаев жобаны осылай қорытындылады.
“Туған жер” жобасы аясында алғашқы жылы барлығы қанша нысан қолданысқа берілді?
“Туған жер” жобасы алғашқы бір жыл ішінде (2017 жыл) барлығы 1 438 нысан қолданысқа берілді.
“Рухани жаңғыру” бағдарламасына кейін қосылған жобаны атаңыз?
Нұрсұлтан Назарбаевтың 2018 жылғы 5 қазандағы Жолдауынан соң бағдарлама аясында “Ауыл – ел бесігі” жобасын іске асыру қолға алынды.
“Рухани жаңғыру” бағдарламасы негізінде қазақ мәдениетін жаңғыртуға бағытталған қандай басылым жарық көрді?
“Болашаққа бағдар: рухани жаңғыру” мақаласы негізінде шыққан жаңа басылым – “Рухани жаңғыру” журналы.
Әлеуметтік желіде бөлісу:
